Jan
30
【每日收幾千條惡評】薛芷倫逐條delete：話我個樣嚇死人，叫我咪出街
Filed Under CH
薛芷倫（Fanny）今日喺微博開post，稱在微博不斷遭網民詛咒及惡毒言詞欺凌，《蘋果》今日打過畀佢了解：「件事發生咗4、5年，留嘅說話非常難聽，大多係批評我樣貌，話我個樣嚇死人、叫我唔好行出街、話我扮病做藉口其實整容失敗，問我照鏡會唔會嚇親自己，留言喺微博有，inbox畀我又有，試過一日可以有幾千條呢類留言，我之前睇到唔開心，會逐條delete，有朋友叫我閂咗微博。」
「我覺得自己唔係藝人，亦冇傷害任何人，點解要承受呢啲批評？佢哋覺得樣唔啱睇、唔鍾意，其實可以唔睇。我覺得佢哋係羊群心理，一個話，之後就有人跟住話，我0依家唔會再delete佢哋留言，我嘅人生唔係做呢啲無聊嘢，佢哋應該係要支持同同情，唔係批評癌症康復者。」
Fanny強調自己面容變化，皆因5年前有乳癌：「係西藥副作用令我樣貌有變化，之前講過因為呢個病，令我有Stevens-Johnson Syndrome呢個後遺症，令到我皮膚潰爛。」Fanny透露已服藥5年，啱啱完成一個療程：「點解有人話我整容失敗，藥物對我有副作用，加上近年好多皮膚緊緻為療程，令到面部緊緻咗。至於話我整容，我從來冇做過開刀整下巴，人都會水腫，同埋我年紀都唔係20幾歲細路女，下巴鬆有幾奇，我下巴冇做過整容。」 
Comments
Leave a Reply
You must be logged in to post a comment.