Dec
30
【叫對方公主】何家戀事多猷君火速戀新加坡富家女Kimmy
Filed Under CH
賭王何家二代戀事多！繼三房超蓮分手後桃花密密開，四房猷亨直認戀上宅男女神陳瀅，連早前剛與BY2嘅Yumi分手嘅猷君，原來亦好快有著落！原來佢戀上新加坡十大富豪之一林榮福（Peter Lim）嘅千金Kimmy!
頭先猷亨喺ig貼咗張同Kimmy嘅合照，更寫上Beyonce金句：「若然我喜歡一件事情，我應該擺指環戴上，歡迎來到澳門，Kimmy公主。」另一邊，Kimmy亦喺IG Po咗一張佢同猷君selfie緊嘅相，留言只有圖案，但係一個錫錫加戒指嘅樣，又tag埋猷君，相入面Kim下巴仔貼實猷君個膊頭，隻手又好親密咁搭住佢，似乎已經打算公告戀情。
又係來自新加坡，莫非猷君鍾情新加坡女子？Kimmy大有來頭，佢個富爸爸新加坡富商林榮福身家估計有20億美金，今年排行福布斯新加坡排行榜第13，最令人難忘係佢熱衷足球，曾多次嘗試收購英超曼聯、意甲AC米蘭，最後去年5月成功收購西甲華倫西亞70.4%股份，成為此隊班主。
Kimmy於新加坡好有知名度，被喻為當地IT girl，喺佢嘅IG已有13萬人關注，有唔少喺當地雜誌影嘅模特兒相，由於父親係足球癡，喺佢個IG，有好多有唔少野生捕獲球星如碧咸、C朗及西甲球員嘅合照外，仲有多張同韓國BIG BANG成員勝利等嘅合照。 
Comments
Leave a Reply
You must be logged in to post a comment.