Oct
12
【唔信被限制出境】「17」app創辦人今晚11點直播闖關赴美
Filed Under CH
台灣藝人黃立成同友人投資創立嘅社交app《17》，因有部份網友直播床戰、自慰、露械等犯禁畫面，引起廣泛抨擊，17先後被Android系統嘅Play Store同蘋果App Store下架，「17之父」黃立成喺上周一（5號）被台灣刑事局邀請協助調查，涉嫌違反「兒童及少年性交易防制條例」及刑法妨害風化等罪，其後被移送北檢，遭列被告並限制住居。
不過，其間一度誤傳黃立成被限制出境，黃立成喺facebook發聲明澄清，自己是以運營商身份協助調查，而非散播不雅、猥褻影音圖片之犯罪嫌疑人，並且沒有被限制出境。
台灣《蘋果》記者噚日致電聯絡黃立成，詢問係咪會如期赴美？佢先向記者吐苦水，澄清自己沒有被「限制出境」，完全係媒體亂寫，記者表示，《蘋果》僅報道導佢限制住居，出國需報備，黃立成聞言笑笑口話：「有改正就好。」佢為咗證明自己沒被限制出境，今晚將試闖關去美國！黃立成透露今晚11點，將搭乘華航赴美國三藩市洽談合作事宜，屆時佢仲會透過app《17》直播，話畀大家知自己冇被「限制出境」。 
Comments
Leave a Reply
You must be logged in to post a comment.