Oct
5
【韓流】飛甩尹恩惠？ 金鐘國洪真英傳戲假情真
Filed Under CH
韓國大熱綜藝節目《Running Man》嘅七位主持喺亞洲都有唔少粉絲，當中有「能力者」之稱嘅金鐘國憑住健碩嘅身形都迷倒唔少粉絲，而當中金鐘國嘅形象亦好專一，因為唔少粉絲都認定佢同尹恩惠係一對，亦都期待尹恩惠會上《RM》，等佢同金鐘國可以合體。
點知近日卻殺出個程咬金，話說歌手洪真英近日擔任《RM》嘉賓時，因為喺節目同金鐘國有唔少嘅互動，有韓國傳媒就話佢哋戲假情真，因為合作而擦出愛火。
對於同金鐘國傳緋聞，洪真英方面就否認戀情。而洪真英曾接受另一節目訪問，當時佢就被問到喺《RM》中同金鐘國有唔少互動，主持人亦曾問到佢哋有冇嘢，當時洪真英就笑住話： 「我同金鐘國嘅關係並唔係媒體們猜測咁樣，我哋係好朋友，一齊吃飯嘅好朋友而已。」據知，因為洪真英出演《RM》時，成員間經常為二人牽線，為二人製造機會，加上媒體曾拍得佢哋單獨喺高速公路嘅休息站食飯，所以令二人嘅緋聞更傳到似層層。
Comments
Leave a Reply
You must be logged in to post a comment.