Sep
12
【瘦剩66磅照開工】 被問係咪已買墓地激瘦川島直美寫定遺書？
Filed Under CH
曾演經典日劇《失樂園》嘅54歲女星川島直美，日前激瘦現身公開活動，令人擔心去年接受完膽管癌手術後嘅佢健康再亮紅燈。
川島直美以前紅酒當水飲，前年發現患癌後，上年1月已做肝臟內嘅膽管癌手術，雖然川島直美如常開工，但近月佢瘦剩皮包骨，有指佢目前體重只得大約66磅，當日唔少記者問川島嘅健康情況，佢自言十分健康，仲叫大家唔使擔心。
近日，川島成為新聞人物，唔少八卦雜誌都向佢追訪，川島寫blog自爆有記者跟到佢去醫院，當佢做完定期檢查後，有一個女記者竟然上前問：「你係咪已買定墓地？有冇為丈夫寫定遺書？」對於以上咁刻薄嘅問題，川島就回應：「我仲未買（墓地），這個是很緊要的事，我唔會隨便決定。至於遺書方面，我去年做手術前反而有向丈夫寫過一封情信。」川島仲呼籲記者唔好再去醫院採訪，希望外界可以畀私人空間佢養好身子。 
Comments
Leave a Reply
You must be logged in to post a comment.