【舊愛：全世界都告訴我妳結婚了】楊丞琳秘嫁李榮浩一個月？

Filed Under CH

唔係晨早流流咁震撼下嘩？楊丞琳秘婚一個月，嫁俾李榮浩？

31歲嘅楊丞琳同30歲李榮浩呢pair姊弟戀，去年爆出之後，竟然(竟然用「竟然」係咪唔太好？)走入直路，仲話今年7月底已秘密喺大陸領證結婚？

點解無啦啦咁傳呢？其實消息聲稱來自北京某個圈子咁啦，話兩人秘婚後，楊丞琳一個月飛去北京兩次，李榮浩媽媽(奶奶！)對呢個新抱都好滿意。

傳聞係捕風捉影，但如果連王子——楊丞琳舊愛(邱勝翊)都係咁講呢？上月12號，王子喺fb寫咗status話:「全世界的人都告訴我妳結婚了！要開心幸福喔(微笑)(讚)」就係呢個status……其實無講明係邊個，話係邊個都得喎……

王子友人紛紛留言安慰佢：「相信你也會有這一天的」「好前度（註：前男友的意思）」等，王子就回應「謝謝」咁啦。

結果，今日一大早，台灣《壹週刊》爆咗「王子爆舊愛楊丞琳」秘婚單嘢，震動兩岸三地傷盡毒男腐女，嚇得王子急急喺fb澄清番:「真是誤會大了！只是祝福ㄧ個圈外朋友而已！」

Comments

Leave a Reply

You must be logged in to post a comment.