Aug
16
【又係港鐵】【蘋民直擊】東鐵未閂門就郁車李生：個個都尖叫
Filed Under CH
想睇最新消息？ 即時follow【現場－蘋果突發】fb！http://fb.com/applecitycrime
【20:00 更新︰港鐵回應事件】
下午1時半，讀者李先生，在沙田乘搭港鐵東鐵綫往九龍塘，當列車駛至大圍站，車門打開，乘客上落客時，列車卻突然移動，「個個見到都尖叫，大嗌『未閂門呀』！有個傷殘人士想上車，都上唔到，足足移咗半個車門位。」
李先生續稱，當大家驚魂甫定時，車廂卻有廣播稱，因列車故障，所有乘客須落車。「之後見有職員跑過嚟，逐個車卡撳掣閂門。」稍後列車亦駛走，「啲乘客係咁鼓譟，話『有冇搞錯』。」李先生亦改搭下一班列車，認為「港鐵淨識年年加價，但係啲服務就冇乜改善。」
有知情人士指出，所有列車在駛入月台打開車門後，會發出訊息啟動一個制動系統，將列車鎖死，並讓它失去動力，所以估計今次事件是訊號傳送出現問題，引致未能啟動制動系統，加上大圍站本身有暗斜，令列車如在空波狀態下移動。知情人士又指，當列車在開門情況下移動，就會觸發另一重保安系統，將列車緊急煞停，事後需要利用人手再次啟動重獲動力。知情人士稱，肇事列車事後要回廠檢驗訊號系統，查出問題所在。
有資深車長則稱，令次事件非常罕見，入行廿多年都未曾聽過。
學生黃小姐稱，近年港鐵列車很多時都出現故障，影響市民返工返學，認為有需要做多一點檢查。周太表示對事件感到擔心，惟有自己小心點，但對於港鐵整體服務素尚算滿意，100分會給予70分。
乘客鍾女士亦關注事件，擔心小朋友安全，希望港鐵查出原因後「唔好再有下次」，要盡量避免，又指港鐵最近經常有故障，影響市民出入。
港鐵發言人稱，下午1時30分，一列往紅磡方向列車行駛時，制動系統運作不暢順，副制動系統隨即啟動，在大圍站月台兩系統交接期間，列車出現輕微溜後，車長及時察覺，並立即按動緊急制動系統煞停列車。車務控制中心為安全起見，將涉事列車安排返回車廠檢查，港鐵對事件表示歉意。 
Comments
Leave a Reply
You must be logged in to post a comment.