【要睇就入嚟啦】寫真攻港激得滯雞排妹裸照入倉底

Filed Under CH

現年21歲，細細粒但擁34D豐滿上圍嘅鄭家純（雞排妹），今年以台灣過江龍身份，拋胸殺入書展，力戰一眾本地薑，包括年齡比佢大一倍有多嘅50歲羅霖。

據知，嘴裏面話唔擔心同香港o靚模熟女鬥一番嘅雞排妹，其實博到盡，佢為寫真集影咗超多火辣照，唔少相片從視覺上更近乎全裸，相當噴血！可惜部份相片因為過份「踩界」，書商擔心香港尺度同台灣不同，最終會因「貪字得過貧」而阻礙計劃好嘅宣傳活動，故臨時抽起咗多張相片，寫真集由三級急轉彎變為一級書。

本報獲得幾張被迫變倉底貨嘅相，被抽起嘅相包括一張雞排妹嘟嘴望鏡解Bra前扣、一張佢幾近全裸嘅「典」床照，以及佢跪喺床上，僅靠左手掌輕掩雙峯嘅相。

記者向宣傳公關確認相片係咪已被抽起，發言人Benny承認：「只可以講，本書激嗰啲相都抽起咗喇！淫審處（淫褻物品審裁處）暫時都評咗為一級書，書展前冇人投訴就可以確認為一級喇！」

咁寫真集係咪冇性感相？Benny補充：「都會有，全部都係健康性感。」問佢知唔知雞排妹係咪好失望？Benny話佢都好明白香港同台灣唔同，絕對尊重出版社決定。

Comments

Leave a Reply

You must be logged in to post a comment.